ASMA ’09. Anuariu Sonoru de la Música Asturiana.

[King Mob]

Bueno, cuelgo esto por aquí por si a alguien le interesa.


El proyeutu.

L?ENSAME CULTURAL SONASTUR y el mediu de comunicación dixital FNAST.NET anicien el proyeutu d?Anuariu Sonoru de la Música Asturiana 2009 (ASMA ?09). Nesti orixinal anuariu van recopilar conteníos musicales y audiovisuales de caúna de les bandes qu?edite material d?esti calter durante?l 2009. Pa ello, los promotores faen un llamamientu a grupos d?Asturies de tolos ámbitos musicales pa que-yos únvien los sos cantares y/o vidioclips.


Distribución y conteníos.

Esta propuesta va ser pionera tamién en cuantes a la so forma d?edición y conteníos. L?ASMA ?09 va ufrise dende FNAST.NET al traviés de la llibre descarga n?internet y, acompañando la recopilación de cantares y vidioclips, va completalu un documentu con información y contautu de caún de los grupos que participen nel recopilatoriu.


Participación y requisitos.

Pa desendolcar esti proyeutu lo más participativamente posible, dende la organización del anuariu pídese la collaboración de tolos grupos d?Asturies. L?editar material sonoru ? bien seya al traviés d?una maqueta, discu o myspace ? o audiovisual durante l?añu 2009 ye l?únicu requisitu pa formar parte d?esti ASMA ?09; ensin importar estilu musical, trayeutoria o llingua vehicular nos testos de los cantares.


Fecha d?edición y contautu.

Esti nuevu anuariu musical asturianu va asoleyar los primeros díes de xineru, coincidiendo col primer aniversariu de la creación de FNAST.NET. El plazu másimu que van tener los grupos pa unviar un cantar y/o un vidioclip acompañáu d?una semeya, biografía y datos de contautu de la formación va ser el 15 d?avientu de 2009. Pueden facelo al traviés de redaicion@fnast.net o contautando previamente col teléfonu 665516155.


Oxetivos.

Con esti ASMA ?09 dende l?ENSAME CULTURAL SONASTUR y FNAST.NET quieren afondar nos sos oxetivos de puxar pola música asturiana. Una bona promoción y la mayor difusión posible d?esti anuariu va servir pa espardir los nomes de grupos asturianos d?estremaes escenes musicales. Amás, los conteníos del ASMA ?09 van dir baxo llicencia Creative Commons y escritos en llingua asturiana, calteniendo la filosofía de los promotores.


Más información:

Xicu Ariza, coordinador de Sonastur y FNAST.NET

Teléfonos. 645137125/665516155

Corréu. redaicion@fnast.net

www.fnast.net

ENSAME CULTURAL SONASTUR
redaicion@fnast.net
Tlf. 665516155